काठमाडौं । इंग्ल्यान्डका विकेटकिपर जोस बट्लरले भारतविरुद्धको चौंथो टेस्ट गुमाउने भएका छन्।
इंग्ल्यान्डले चौंथो टेस्टको लागि घोषणा गरेको टिममा बट्लर परेका छैनन्।
दोस्रो सन्तानको जन्म हुने भएकोले बट्लर चौंथो टेस्ट टिम बाहिर रहेको बताईएको छ।
बट्लरको स्थानमा अब जोनी बेयर्स्टोले विकेटकिपरको भूमिका निर्वाह गर्ने छन्।
इंग्ल्यान्डले बट्लरको स्थानमा साम विलिङ्सलाई टिममा बोलाएको छ।
यस्तै चौंथो टेस्टका लागि क्रिस वोक्स टिममा फर्किएका छन्। चोटका कारण उनले सुरुवाती तीन टेस्ट गुमाएका थिए।
पाँच खेलको टेस्ट सिरिज १-१ को बराबरीमा रहेको छ।
वर्षाको कारण पहिलो टेस्ट बराबरीमा सकिएको थियो । दोस्रो टेस्टमा भारतले १ सय ५१ रनको जित निकालेको थियो ।
इंग्ल्यान्डले तेस्रो टेस्टमा एक इनिङ्स ७६ रनको जित निकालेको थियो।
