काठमाडौं । न्युजिल्याण्डले बलर म्याट हेनरीलाई बंगलादेशविरुद्धको सिरिजका लागि टिममा बोलाएको छ ।
न्युजिल्याण्ड क्रिकेटले शुक्रबार हेनरीलाई सिरिजका लागि टिममा बोलाईएको जनाएको छ ।
ओपनर फिन एलनलाई कोरोना भाईरसको संक्रमण देखिएपछि न्युजिल्याण्डले हेनरीलाई टिममा बोलाएको हो ।
बंगलादेशको ढाका आएको दुई दिनपछि ब्याट्सम्यान फिनलाई कोरोना देखिएको थियो ।
कोरोनाको दुबै खोप लगाएका फिनलाई कोरोना देखिएको हो । कोरोना देखिएपछि फिन आईसोलेसनमा बसेका छन् । फिन इंग्ल्यान्डको द हन्ड्रेड क्रिकेट खेलेर बंगलादेश आएका थिए ।
न्युजिल्याण्डले बंगलादेशसँग टी-ट्वान्टी सिरिज खेल्दैछ । न्युजिल्याण्डले बंगलादेशसँग पाँच खेलको टी-ट्वान्टी सिरिज खेल्नेछ ।
सिरिज सेप्टेम्बर १ देखि १० सम्म हुनेछ ।
सिरिज अन्तर्गतको सम्पूर्ण खेल ढाकास्थित शेर बंगला नेसनल स्टेडियममा हुनेछ ।
