काठमाडौं । न्युजिल्याण्ड क्रिकेट टिमका ओपनर फिन एलनलाई कोरोना भाईरसको संक्रमण देखिएको छ ।
बंगलादेशको ढाका आएको दुई दिनपछि ब्याट्सम्यान फिनलाई कोरोना देखिएको हो ।
कोरोनाको दुबै खोप लगाएका फिनलाई कोरोना देखिएको हो । कोरोना देखिएपछि फिन आईसोलेसनमा बसेका छन् ।
फिन इंग्ल्यान्डको द हन्ड्रेड क्रिकेट खेलेर बंगलादेश आएका थिए । उनीसँगै कोलिन डी ग्राण्डहोम पनि ढाका आएका थिए ।
न्युजिल्याण्डले बंगलादेशसँग टी-ट्वान्टी सिरिज खेल्दैछ । जसका लागि उनीहरु इंग्ल्यान्डबाट ढाका आएका हुन् ।
न्युजिल्याण्डले बंगलादेशसँग पाँच खेलको टी-ट्वान्टी सिरिज खेल्नेछ ।
सिरिज सेप्टेम्बर १ देखि १० सम्म हुने बताईएको छ ।
सिरिज अन्तर्गतको सम्पूर्ण खेल ढाकास्थित शेर बंगला नेसनल स्टेडियममा हुनेछ ।
-(2)-1737297635.jpeg)
