टोकियो पारालिम्पिक भोलिबाट

काठमाडौं । जापानमा आयोजना हुने टोकियो पारालिम्पिक खेलकुद भोलि (मंगलबार) बाट सुरु हुँदैछ ।

टोकियोमा एक विशेष कार्यक्रमकाबीच टोकियो पारालिम्पिकको उद्घाटन हुनेछ ।

टोकियो पारालिम्पिकमा ४ हजार ४ खेलाडीले प्रतिस्पर्धा गर्ने छन् ।

यस पटक १ सय ६२ राष्ट्रका खेलाडीले ५ सय ३९ पदकको लागि प्रतिस्पर्धा गर्ने छन् ।

टोकियो पारालिम्पिकमा २२ खेल समावेश गरिएको छ ।

नेपालबाट पारा तेक्वान्दो खेलाडी पलेशा गोवर्धनले प्रतिस्पर्धा गर्दैछिन् ।

पलेशाले के ४४ क्याटगोरी अन्तर्गत महिला ५८ केजीमुनि तौलसमूहमा नेपालको चुनौती प्रस्तुत गर्नेछिन् ।

पारालिम्पिकमा सहभागिता जनाउन १ खेलाडीसहित ६ सदस्यीय नेपाली टोली टोकियो पुगिसकेका छन् ।

पारालिम्पिकमा कविराज नेगी लामा प्रशिक्षक, दीपक विष्ट अफिसियल, सरोज श्रेष्ठ सेफ दि मिसन, डा. दीपक श्रेष्ठ फिजियो र विश्वास बस्नेत कोभिड लाइसेन्स अफिसरका रुपमा सहभागी भएका छन् ।