काठमाडौं । नेपालमा आयोजना भएको आठौं दक्षिण एसियाली खेलकुद (साग) का स्वर्णधारी करातेका पूर्व खेलाडी कृष्ण बहादुर राईको निधन भएको छ ।
पूर्व खेलाडी राईको बुधबार नेपाल प्रहरी अस्पतालमा निधन भएको नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दिपक श्रेष्ठले जनाएका छन् ।
कोरोना भाईरसको संक्रमण देखिएपछि राईको केहि साताबाट प्रहरी अस्पतालमा उपचार भईरहेको थियो ।
राईले आठौं सागको टिम कातामा स्वर्ण पदक जितेका थिए ।
यस्तै राई बिस २०५५ सालमा नेपालगंजमा आयोजना भएको चौंथो राष्ट्रिय खेलकुदमा एकल कातामा स्वर्ण पदक जितेका थिए ।
त्यस बाहेक उनले थुप्रै राष्ट्रिय तथा अन्तराष्ट्रिय प्रतियोगितामा पदक जितेका थिए ।
उनका श्रीमति र छोरा छन् ।
