इंग्ल्यान्डले अक्टोबरमा पाकिस्तानको भ्रमण गर्ने

एजेन्सी । इंग्ल्यान्ड क्रिकेट टिमले अक्टोबरमा पाकिस्तानको भ्रमण गर्ने भएको छ ।

इंग्ल्यान्ड एण्ड वेल्स क्रिकेट बोर्ड (इसीबी) ले अक्टोबरको दोस्रो साताबाट पाकिस्तानको भ्रमण गर्ने जनाएको छ ।

इंग्ल्यान्डले सिमित ओभरको सिरिजका लागि पाकिस्तानको भ्रमण गर्न लागेको हो । इंग्ल्यान्डको महिला र पुरुष टिमले नै पाकिस्तानको भ्रमण गर्नेछ ।

पुरुष टिमले दुई खेलको टी-ट्वान्टी सिरिज खेल्नेछ । रावलपिण्डीमा हुने पहिलो खेल अक्टोबर १३ र दोस्रो खेल अक्टोबर १४ मा हुनेछ ।

महिला टिमले भने दुई खेलको टी-ट्वान्टी र तीन खेलको एकदिवसीय सिरिज खेल्नेछ ।

इंग्ल्यान्डले १५ वर्षपछि पाकिस्तानको भ्रमण गर्न लागेको हो । इंग्ल्यान्डले पछिल्लो पटक सन् २००५ मा पाकिस्तानको भ्रमण गरेको थियो ।