एजेन्सी । दक्षिण अफ्रीकाका क्विन्टन डी कक, डेभिड मिलर र लुंगी एनजिडीले श्रीलंकाविरुद्धको एकदिवसीय सिरिज गुमाउने भएका छन् ।
दक्षिण अफ्रीकाले श्रीलंकाविरुद्धको एकदिवसीय सिरिजका लागि घोषणा गरेको टिममा डी कक, मिलर र लुंगी अटाएका छैनन् ।
डी ककलाई ५० ओभरको सिरिजमा विश्राम दिईएको बताईएको छ । मिलरले चोट बोक्दा लुंगी भने व्यक्तिगत कारण एकदिवसीय सिरिज नखेल्ने बताईएको छ ।
तर, उनीहरु टी-ट्वान्टी टोलीमा भने रहेका छन् ।
दक्षिण अफ्रीकाले श्रीलंका भ्रमणका लागि टेम्बा बाभुमाको कप्तानीमा एकदिवसीय र टी-ट्वान्टी टिमको घोषणा गरेको हो ।
दक्षिण अफ्रीकाले घोषणा गरेको दुबै फर्म्याटको टिममा ड्वाने प्रिटोरिओस परेका छन् । यस्तै जुनियर डाला एकदिवसीय टिममा अटाएका छन् ।
पूर्व कप्तान फाप डु प्लेसिसले टिममा स्थान बनाउन सकेनन् ।
दक्षिण अफ्रिकाले श्रीलंकासँग कोलम्बोमा समान ३/३ खेलको एकदिवसीय र टी-ट्वान्टी सिरिज खेल्नेछ ।
एकदिवसीय सिरिज कोलम्बोमा सेप्टेम्बर २ बाट सुरु हुनेछ ।
-(2)-1737297635.jpeg)
