काठमाडौं । नेपाली राष्ट्रिय फुटबल टिमको जर्सी प्रायोजक तथा खेलकुद पोशाक उत्पादक कम्पनी केटिएम सिटीले दरबारमार्गमा 'एन्फा सोरुम' संचालनमा ल्याउने भएको छ ।
नेपली राष्ट्रिय टिमको जर्सी लगायत अन्य खेलकुद सामाग्री बिक्री वितरण गर्नका केटिएम सिटीले दरबारमार्गको केटिएम सिटी टावरमा 'एन्फा सोरुम' संचालनमा ल्याउने भएको हो ।
केटिएम सिटीले आइतबारबाट सोरुम संचालनमा आउने जनाएको छ । सोरुम संचालनका लागि सम्पूर्ण तयारी सकिएको समेत केटिएम सिटीले जनाएको छ ।
शेर्पा आउटडोरको केटिएम सिटी हालै फुटबलसँग जोडिएको हो ।
केल्मीसँगको सम्झौता सकिएपछि अखिल नेपाल फुटबल संघ (एन्फा)ले केटिएम सिटीसँग सम्झौता गरेको थियो । केटिएम सिटी र एन्फाबीच तीन वर्षको सम्झौता भएको थियो।
घरेलु मैदानमा भएको थ्री नेसन्स कपबाट नेपाली फुटबल टोलीले केटिएमको जर्सी लगाउदै आएको छ । नेपालले थ्री नेसन्स कपको उपाधि समेत जितेको थियो ।
यस्तै केटिएम सिटी 'ए' डिभिजन क्लब मनाङ मर्स्याङ्दीको जर्सी प्रायोजक समेत हो ।
कीर्तिमानी आठ पटकको च्याम्पियन मनाङलाई केटिएम सिटीले दुई वर्षको प्रायोजन गरेको हो ।
आगामी सहिद स्मारक 'ए' डिभिजन लिगमा मनाङले केटिएम सिटीको जर्सी प्रयोग गर्नेछ ।
'ए' डिभिजन लिग कात्तिक २९ गतेबाट सुरु हुनेछ ।
