एनसीसीएस दाङ गठन

काठमाडौं । नेपाली क्रिकेट समर्थक समाज (एनसीएसएस) को दाङ जिल्ला समन्वय समिति गठन भएको छ ।

दाङ जिल्लाका क्रिकेट समर्थकहरुको अग्रसरतामा एनसीसीएससँगको समन्वयमा एनसीसीएस दाङ गठन गरिएको हो ।

दाङको घोराइमा भएको भेलाले विकास भट्टराईको संयोजकत्वमा ९ सदस्यीय जिल्ला कार्यसमिति चयन गरिएको हो ।

जिल्लाका नेपाली क्रिकेटका समर्थकलाई एकत्रित गर्दै समग्र दाङ जिल्लाको क्रिकेटमा योगदान गर्ने उदेश्यका साथ एनसिएसएस दाङको गठन भएको हो । 

समितिको सह संयोजकमा  पुरन सोति मगर, सचिवमा गुरु विश्वकर्मा, कोषाध्यक्ष अभिषेक अधिकारी तथा सदस्यहरुमा अबिन कार्की, दिपक शेर्मा, हेमराज शर्मा, मधुसूदन गिरि र ललित कुमार बिष्ट रहेका छन् । सल्लाहकारमा हिमाल महरा रहेका छन् । 

दाङ जिल्लामा पछिल्लो समय क्रिकेटले गति लिदै राष्ट्रिय तथा प्रदेश स्तरका क्रिकेट प्रतियोगिता भैरहेको अवस्थामा समर्थकको पनि यस्तो गतिविधिमा पूर्ण उपस्थिति रहने संयोजक भट्टराईले बताए ।