एजेन्सी । भारतविरुद्धको पहिलो टेस्टको पहिलो इनिङ्समा घरेलु टिम इंग्ल्यान्ड अलआउट भएको छ ।
नटिंघममा टस जितेर पहिले ब्याटिङ गरेको इंग्ल्यान्ड खराब प्रदर्शन गर्दै १ सय ८३ रनमा अलआउट भएको हो ।
इंग्ल्यान्डका लागि कप्तान जोए रुटले ६४ रनको अर्धशतकीय इनिङ्स खेले । जोनी बेयर्स्टोले २९ रन जोड्दा साम करण २७ रनमा अविजित रहे ।
यस्तै ज्याक क्रलीले २७ रन बनाए भने डम सिब्लीले १८ रन जोडे ।
इंग्ल्यान्डलाई सस्तैमा समेट्न जस्प्रित बुम्राहले ४ विकेट लिए ।
मोहमद शामीले ३ तथा शार्दुल ठाकुरले २ विकेट लिए । मोहमद सिराजले १ विकेट लिए ।
इंग्ल्यान्डलाई सस्तैमा समेटेर पहिलो इनिङ्स थालेको भारतले उत्कृष्ट सुरुवात गरेको छ ।
पहिलो दिनको खेल सकिदा भारतले बिना विकेटको क्षतिमा २१ रन बनाएको छ ।
भारतका रोहित शर्मा र केएल राहुल समान ९ रनमा अविजित छन् ।
-(2)-1737297635.jpeg)
