एजेन्सी । घरेलु टिम बंगलादेशले दोस्रो टी-ट्वान्टी क्रिकेटमा अष्ट्रेलियालाई पराजित गरेको छ ।
बुधबार ढाकामा भएको खेलमा बंगलादेशले अष्ट्रेलियालाई ५ विकेटले पराजित गरेको हो ।
यस जितसँगै बंगलादेशले अष्ट्रेलियाविरुद्धको पाँच खेलको सिरिजमा २-० को अग्रता बनाएको छ । पहिलो खेलमा बंगलादेशले अष्ट्रेलियालाई २३ रनले पराजित गरेको थियो ।
अष्ट्रेलियाले दिएको १ सय २२ रनको लक्ष्य बंगलादेशले १८ ओभर ४ बलमा मात्र ५ विकेट गुमाएर पूरा गर्यो ।
बंगलादेशको जितमा आफिफ होसेनले अविजित रहदै ३७ रन बनाए । नुरुल होसेन २२ रनमा अविजित रहे ।
यस्तै शकिब अल हसनले २६ रन जोड्दा मेहदी हसनले २३ रन बनाए ।
अष्ट्रेलियाका मिचेल मार्श, जोस हाजलउड, एस्टन अगर,एडम जाम्पा र एन्ड्रयु टेले एक एक विकेट लिए ।
यस अघि पहिले ब्याटिङ गरेको अष्ट्रेलियाले २० ओभरमा ७ विकेट गुमाएर १ सय २१ रन बनाएको थियो ।
अष्ट्रेलियाका लागि मिचेल मार्शले ४५ रन बनाए । यस्तै मोइसेस हेन्रिक्सले ३० रन जोड्दा मिचेल स्टार्कले अविजित १३ रन बनाए ।
अष्ट्रेलियालाई सस्तैमा समेट्न बंगलादेशका मुस्ताफिजुर रहमानले ३ तथा शोरिफुल इस्लामले २ विकेट लिए ।
-(2)-1737297635.jpeg)
