श्रीलंकाका तीन खेलाडीलाई प्रतिबन्ध

एजेन्सी । श्रीलंका क्रिकेट बोर्डले राष्ट्रिय टोलीका तीन खेलाडीलाई एक वर्षको प्रतिबन्ध लगाएको छ ।

श्रीलंकाले उपकप्तान कुशल मेन्डिस, ओपनर दनुश्का गुनाथलिका र विकेटकिपर निरोशन डिक्वेलालाई अन्तराष्ट्रिय क्रिकेटमा एक वर्षको प्रतिबन्ध लगाएको हो  ।

तीनै खेलाडीलाई घरेलु क्रिकेटमा ६ महिनाको प्रतिबन्ध गरिएको छ । यस्तै १० मिलियन श्रीलंकन रुपैयाँ जरिवाना गरिएको छ ।

गत जुनमा इंग्ल्यान्ड भ्रमण दौरान कोरोना भाईरसको प्रोटोकल उलंघन गरेको कारण उनीहरुलाई प्रतिबन्ध गरिएको हो ।

तीनै खेलाडी बायो बबल्स उलंघन गर्दै सार्वजनिक स्थान डुरहाम सिटी सेन्टरमा गएका थिए । सिटी सेन्टर पुगेको तस्बिर सामाजिक संजालमा सावर्जनिक गरेपछि उनीहरु विवादमा आएका थिए ।

नियम उलंघन गरेपछि  श्रीलंकाले तत्काल उनीहरुलाई सिरिज खेल्ने टिमबाट निकाल्दै घर फर्काएको थियो ।