एजेन्सी । घरेलु टोली वेस्ट इन्डिज र पाकिस्तानबीचको पहिलो टी-ट्वान्टी क्रिकेट नतिजा विहीन सकिएको छ ।
ब्रिजटाउनमा बुधबार राति वर्षाको कारण पहिलो टी-ट्वान्टी नतिजा विहीन सकिएको हो ।
वर्षाले खेल प्रभावित गर्नु अघि वेस्ट इन्डिजले ९ ओभरमा ५ विकेट गुमाएर ८५ रन बनाएको थियो ।
वेस्ट इन्डिजका कप्तान केइरन पोलार्ड २२ रन बनाएर अविजित रहेका थिए ।
पाकिस्तानका हसन अलीले २ विकेट लिएका थिए ।
पहिलो खेल नतिजा विहीन बनेसँगै ४ खेलको सिरिज ०-० को स्थितिमा रहेको छ ।
दुई टिमबीचको दोस्रो खेल शनिबार हुनेछ ।
