फिन्चले बंगलादेश भ्रमण गुमाउने  

एजेन्सी । अष्ट्रेलियाका कप्तान आरोन फिन्चले बंगलादेश भ्रमण गुमाउने भएका छन् ।

चोटको कारण फिन्चले अगस्टमा तय भएको बंगलादेश भ्रमण गुमाउने भएका हुन् ।

३४ वर्षीय फिन्चले वेस्ट इन्डिज भ्रमण दौरान घुँडाको चोट बोकेका थिए ।

दाहिने घुँडामा लागेको चोटको कारण फिन्चले वेस्ट इन्डिजविरुद्धको अन्तिम एकदिवसीय पनि खेल्ने छैनन् ।

फिन्च चोटको शल्यक्रिया गर्नका लागि अष्ट्रेलिया फर्किसकेका छन् ।

उनी टी-ट्वान्टी विश्वकपसम्म ठिक हुने योजनामा रहेका छन् ।

अष्ट्रेलियाले बंगलादेश भ्रमणलाई विश्वकपको तयारीको रुपमा लिएको छ ।

ढाकामा हुने सिरिज अगस्ट ३ मा सुरु हुनेछ ।