काठमाडौं । अस्ट्रेलियाको भिक्टोरिया राज्यमा भएको बालाराट युरेका मसल मोडेल प्रतियोगितामा नेपालका परिक्षित श्रेष्ठले दुई स्वर्ण जितेका छन् । मेन्स फिटनेस नोभाईस र मेन्स फिटनेस ओपनको दुई स्पर्धामा परिक्षितले स्वर्ण जितेका हुन् ।
प्रतियोगिताकालागि श्रेष्ठले बिगत दुई महिनादेखि अस्ट्रेलियाका बिभिन्न प्रतियोगिताका च्याम्पियन बनिसकेका सन्तोष कुमार श्रेष्ठको परामर्श अनुरुप तयारी गरेका थिए ।
जितसंगै परिक्षित आगामी अक्टोबर १३\१४ मा मेलबर्नमा आयोजना हुने राष्ट्रियस्तरको च्याम्पियनसिपमा छनोट भएका छन् ।
नेपाल र नेपालीलाई थोरै भएपनि चिनाउन पाएकोमा खुसी व्यक्त गर्दै श्रेष्ठले आगामी दिनमा नेपालको गौरव उच्च राख्न सक्दो मेहनत गर्ने बताए ।
