एजेन्सी । बंगलादेशले घरेलु टिम जिम्बावेविरुद्धको पहिलो टी-ट्वान्टी क्रिकेटमा जित निकालेको छ ।
हरारेमा बिहीबार भएको खेलमा बंगलादेशले जिम्बावेलाई ८ विकेटले पराजित गरेको हो ।
जिम्बावेले दिएको १ सय ५३ रनको लक्ष्य बंगलादेशले १८ ओभर ५ बलमा २ विकेट गुमाएर पूरा गर्यो ।
बंगलादेशको जितमा मोहमद नाइमले अविजित रहदै ६० रनको अर्धशतकीय इनिङ्स खेले ।
यस्तै सौम्य सरकारले ५० रनको अर्धशतकीय इनिङ्स खेले । नुरुल हसन १६ रनमा अविजित रहदा कप्तान महमुदउल्लाह १५ रनमा आउट भए ।
यस अघि पहिले ब्याटिङ गरेको जिम्बावेले १९ ओभरमा अलआउट हुँदै १ सय ५२ रन बनाएको थियो ।
जिम्बावेका लागि रेगिस चाकबभाले ४३ रन बनाए । डियोन मेयर्सले ३४ रन बनाए । लुकले १८ रन जोडे ।
बंगलादेशका मुस्ताफिजुर रहमानले ३ विकेट लिए । मोहमद सैफुदीन र इस्लामले २/२ विकेट लिए ।
यस जितसँगै बंगलादेशले तीन खेलको सिरिजमा १-० को अग्रता बनाएको छ ।
बंगलादेशले यस अघि एकदिवसीय सिरिज ३-० ले क्लिन स्विप गरिसकेको छ ।
