एजेन्सी । बंगलादेशले घरेलु टिम जिम्बावेविरुद्धको तीन खेलको एकदिवसीय सिरिजमा क्लिन स्विप गरेको छ ।
हरारेमा मंगलबार भएको तेस्रो तथा अन्तिम एकदिवसीयमा जिम्बावेलाई ५ विकेटले पराजित गर्दै बंगलादेशले सिरिज ३-० ले आफ्नो बनाएको हो ।
जिम्बावेले दिएको २ सय ९९ रनको लक्ष्य बंगलादेशले ४८ ओभरमा ५ विकेट गुमाएर पूरा गर्यो ।
बंगलादेशको जितमा कप्तान तमिम इकबालले १ सय १२ रनको शतकीय इनिङ्स खेले । नुरुल हसनले अविजित ४५ रन जोडे ।
लिटोन दासले ३२, शकिब अल हसन र मोहमद मिथुनले समान ३० रन बनाए । आफिफ होसेनले अविजित २६ रन बनाए ।
शकिब अल हसनले अविजित रहदै ९६ रनको अर्धशतकीय इनिङ्स खेले । मोहमद सैफुदीन २८ रनमा अविजित रहे ।
जिम्बावेका डोनाल्ड तिरीपानो र वेस्ली माधिभेरेले २/२ विकेट लिए ।
यस अघि पहिले ब्याटिङ गरेको जिम्बावेले ४९ ओभर ३ बलमा अलआउट हुँदै २ सय ९८ रन बनाएको थियो ।
जिम्बावेका लागि रेगिस चाकबभाले ८४ रनको अर्धशतकीय इनिङ्स खेले ।
यस्तै रायन ब्रुलले ५९ तथा शिकन्दर राजाले ५७ रनको अर्धशतकीय इनिङ्स खेलेका थिए । डियोन मेयर्सले ३४ तथा कप्तान ब्रेण्डन टेलरले २८ रन बनाए ।
बलिङमा बंगलादेशका मोहमद सैफुदीन र मुस्ताफिजुर रहमानले ३/३ विकेट लिए ।
