सन्दीपलाई नवप्रतिभा सम्मान

काठमाडौं। नेपाली राष्ट्रिय क्रिकेट टिमका सदस्य सन्दीप लामिछाने नेपाल नवप्रतिभा सम्मानबाट सम्मानित भएका छन् ।

लुनकरणदास–गंगादेवी चौधरी साहित्यकला मन्दिरले शनिबार लेग स्पिनर सन्दीपलाई नेपाल नवप्रतिभा सम्मानबाट सम्मानित गरेको हो ।

मन्दिरले सन्दीपसहित आठ जनालाई यस सम्मानबाट सम्मानित गरेको हो ।

तर, सन्दीप सम्मान कार्यक्रममा उपस्थित भएनन् ।

द हन्ड्रेड क्रिकेट प्रतियोगिताका लागि सन्दीप इंग्ल्यान्डमा रहेका छन् ।

सन्दीपले ओभल इन्भिन्सिबलबाट पहिलो संस्करणको द हन्ड्रेड क्रिकेट खेल्ने छन् ।

१०० बलको हुने द हन्ड्रेड क्रिकेट जुलाई २१ बाट सुरु हुने तालिका रहेको छ ।