काठमाडौं । नेपाली राष्ट्रिय क्रिकेट टोलीका विकेटकिपर ब्याट्सम्यान बिनोद भण्डारी ओरीयन्ट कलेजको ब्रान्ड एम्बास्डर नियुक्त भएका छन् ।
कलेजले भण्डारीलाई १ वर्षको लागि ब्रान्ड एम्बास्डर नियुक्त गरेको हो । कलेजले बिहीबार एक कार्यक्रमको आयोजना गर्दै भण्डारीलाई एम्बास्डर नियुक्त गरेको जनाएको छ ।
कलेजका प्रिन्सिपल नारायण बराल र भण्डारीले सम्झौतापत्रमा हस्ताक्षर गरेका थिए । सोहि अवसरमा कलेजले भण्डारीलाई सम्मान समेत गरेको थियो ।
विभागीय टिम त्रिभुवन आर्मी क्लबका कप्तान समेत रहेका भण्डारी २००९ बाट राष्ट्रिय टिमका सदस्य रहदै आएका छन् ।
भण्डारीले नेपालका लागि ३० टी-ट्वान्टी अन्तराष्ट्रिय र ७ एकदिवसीय अन्तराष्ट्रिय खेल खेलेका छन् ।
