फोडेनले फाइनल गुमाउन सक्ने

एजेन्सी । इंग्ल्यान्डका युवा मिडफिल्डर फिल फोडेनले युरोकपको फाइनल खेल गुमाउन सक्ने भएका छन् ।

खुट्टाको चोटको कारण फोडेनले इटालीविरुद्धको फाइनल खेल गुमाउने सम्भावना बढेको छ ।

२१ वर्षीय मिडफिल्डर फाइनल अघिको टिम प्रशिक्षणमा समेत उपस्थित भएका थिएनन् ।

तर, मुख्य प्रशिक्षक ग्यारेथ साउथगेटले उनको चोट सामान्य रहेको बताएका छन् ।

इंग्ल्यान्डले युरोकपको उपाधिका लागि आइतबार राति इटालीसँग वेम्बली स्टेडियममा प्रतिस्पर्धा गर्नेछ ।

म्यानचेस्टर सिटीका फोडेनले युरोको सुरुवाती दुई खेलमा प्लेईङ सेटमा रहेर खेलेका थिए ।

त्यसपछिका खेलमा भने उनी परिवर्तित खेलाडीको रुपमा खेल्दै आइरहेका छन् ।