वाटफोर्डले भित्र्यायो फरवार्ड किङ

एजेन्सी । इंग्लिस क्लब वाटफोर्डले नर्वेका फरवार्ड जोसुवा किङलाई अनुबन्धित गरेको छ ।

प्रिमियर लिग क्लब वाटफोर्डले शुक्रबार फरवार्ड किङलाई अनुबन्ध गरिएको जनाएको छ ।

२९ वर्षीय किङले वाटफोर्डसँग दुई वर्षको सम्झौता गरेका छन् ।

वाटफोर्डले उनलाई सम्झौता नवीकरणको विकल्प समेत दिएको छ ।

गत सिजन किङले एभर्टनबाट खेलेका थिए । उनले ११ प्रिमियर लिग खेल खेलेका थिए ।  त्यसअघि उनले बर्नेमाउथ र ब्लाकबर्न रोभर्सबाट खेलेका थिए ।

नर्वेका लागि उनले ५४ खेलमा १७ गोल गरिसकेका छन् ।