युरोकपको फाइनल खेलाउने रेफ्री तय

एजेन्सी । १६ औं संस्करणको युरोकप फुटबलको फाइनल खेल नेदरल्यान्ड्सका रेफ्री बियोर्न कुइपर्सले खेलाउने भएका छन् ।

युरोपियन फुटबलको सर्वोच्च निकाय यूईएफएले फाइनलमा मुख्य रेफ्री कुइपर्स रहने जनाएको छ ।

युरोकपको फाइनलमा इंग्ल्यान्ड र इटाली भिड्ने छन् । आइतबार राति हुने फाइनल खेल वेम्बली स्टेडियममा हुनेछ ।

४८ वर्षीय कुइपर्स युरोकपको फाइनल खेलाउने पहिलो डच रेफ्री हुनेछन् ।  कुइपर्सले सातौं पटक युरोपियन प्रतियोगिताको फाइनल खेल खेलाउन लागेका हुन् ।

यस अघि पनि उनले इंग्ल्यान्ड र इटालीबीचको खेल खेलाईसकेका छन् । सन् २०१४ को विश्वकपको समूह चरणमा इंग्ल्यान्ड र इटाली भिड्द कुइपर्स रेफ्री रहेका थिए ।

कुइपर्स सन् २००६ देखि रेफ्री गर्दै आईरहेका छन् ।