एजेन्सी । दक्षिण अफ्रीकाले घरेलु टिम वेस्ट इन्डिजविरुद्धको पाँच खेलको टी-ट्वान्टी क्रिकेट सिरिज जितेको छ ।
शनिबार राति भएको अन्तिम तथा पाँचौं खेलमा वेस्ट इन्डिजलाई २५ रनले हराउँदै दक्षिण अफ्रीकाले सिरिज ३-२ ले जितेको हो ।
दक्षिण अफ्रीकाले दिएको १ सय ६९ रनको लक्ष्यसहित जवाफी ब्याटिङ गरेको वेस्ट इन्डिजले २० ओभरमा ९ विकेट गुमाएर १ सय ४३ रन मात्र बनाउन सक्यो ।
वेस्ट इन्डिजका इभिन लेविसले ५२ रनको अर्धशतकीय इनिङ्स खेले । शिम्रोन हिटमायरले ३३ रन जोड्दा निकोलस पुरणले २० रन बनाए ।
दक्षिण अफ्रीकाका लुंगी एनजीडीले ३ विकेट लिए । कागिसो राबडा र मुल्डेरले २/२ विकेट लिए ।
यस अघि पहिले ब्याटिङ गरेको दक्षिण अफ्रीकाले २० ओभरमा ४ विकेट गुमाएर १ सय ६८ रन बनाएको थियो ।
दक्षिण अफ्रीकाका लागि एडिन मार्क्रमले ७० रनको अर्धशतकीय इनिङ्स खेले । क्विन्टन डी ककले पनि ६० रनको अर्धशतकीय इनिङ्स खेले ।
वेस्ट इन्डिजका फिडेल एड्वार्ड्सले २ विकेट लिए ।
