एजेन्सी । जिम्बावेले घरेलु मैदानमा बंगलादेशसँग सिरिज खेल्ने पक्का भएको छ ।
जिम्बावे स्पोर्ट्स एण्ड रिक्रिएसन कमिसन (सीआरसी) ले जिम्बावेलाई क्रिकेटलाई सिरिज आयोजनाको लागि अनुमति दिएको छ ।
सीआरसीको अनुमतिसँगै जिम्बावेले घरेलु मैदानमा बंगलादेशसँग एक टेस्ट, तीन एकदिवसीय र तीन टी-ट्वान्टी खेल खेल्नेछ ।
आगामी जुलाईमा हरारेमा आयोजना हुने सिरिज बन्द रंगशालामा हुनेछ ।
दुई टिमबीच सुरवातमा टेस्ट सिरिज हुनेछ । त्यसपछि एकदिवसीय र टी-ट्वान्टी सिरिज हुनेछ ।
जिम्बावे र बंगलादेशबीच पछिल्लो पटक २०२० मा प्रतिस्पर्धा गरेका थिए ।
दुई टिमबीच एक टेस्ट, तीन एकदिवसीय र दुई टी-ट्वान्टी भएको थियो । तर, जिम्बावेले सबै खेल गुमाएको थियो ।
