च्याम्पियन्स लिगको फाइनल पोर्टोमा हुने

एजेन्सी । यूईएफए च्याम्पियन्स लिगको फाइनल खेल पोर्चुगलमा हुने भएको छ ।

युएईएफले बिहीबार च्याम्पियन्स लिगको फाइनल पोर्चुगलको पोर्टोमा हुने जनाएको छ ।

च्याम्पियन्स लिगको फाइनलमा दुई इंग्लिस क्लब म्यानचेस्टर सिटी र चेल्सी भिड्ने छन् ।

सिटी र चेल्सीबीचको फाइनल खेल मे २९ मा हुनेछ ।

यस अघि फाइनल खेल टर्कीको इस्तानबुलमा हुने तालिका रहेको थियो ।

फाइनलमा रंगशाला प्रवेशका लागि दर्शकलाई समेत अनुमति दिईएको छ ।

दुबै टिमका ६/६ हजार दर्शकले रंगशालामा बसेर खेल हेर्न पाउने छन् ।