एटलान्टाको सहज जित

एजेन्सी । इटालियन सिरी 'ए' फुटबलमा एटलान्टाले जित निकालेको छ ।

आइतबार राति भएको खेलमा एटलान्टाले नापोलीलाई ४-२ गोल अन्तरले पराजित गरेको हो ।

घरेलु मैदानमा खेलको ५२ औं मिनेटमा डुभान जापटाले गोल गर्दै एटलान्टालाई अग्रता दिलाएका थिए ।

खेलको ५८ औं मिनेटमा नापोलीका जिलिन्सकीले गोल गर्दै खेल १-१ को बराबरीमा ल्याए ।

खेलको ६४ औं मिनेटमा रोबिनले गोल गर्दै एटलान्टालाई २-१ को अग्रता दिलाए ।

७१ औं मिनेटमा लुइसले गोल गर्दा एटलान्टा ३-१ ले अघि रह्यो ।

खेलको ७६ औं मिनेटमा रोबिनले आत्मघाती गोल गरेपछि खेल ३-२ को स्थितिमा पुग्यो ।

त्यसपछि खेलको ७९ औं मिनेटमा क्रिस्टियन रोमेरोले गोल गर्दै एटलान्टालाई ४-२ को जित दिलाए ।

जितसँगै एटलान्टा लिगको चौंथो स्थानमा उक्लिएको छ ।

एटलान्टाले २३ खेलमा ४३ अंक जोडेको छ ।

नापोली ४० अंक जोडेर सातौं स्थानमा रहेको छ ।