न्युकासललाई हराउँदै युनाईटेड शीर्ष दुईमा

एजेन्सी । इंग्लिस प्रिमियर लिग फुटबलमा म्यानचेस्टर युनाईटेडले सहज जित निकालेको छ ।

आइतबार राति भएको खेलमा युनाईटेडले न्युकासल युनाईटेडलाई ३-१ गोल अन्तरले पराजित गरेको हो ।

घरेलु मैदानमा युनाईटेडलाई जित दिलाउन मार्कुस राषफोर्ड, डानिल जेम्स र ब्रुनो फर्नान्डेसले एक एक गोल गरे ।

न्युकासलका एलेन सेन्ट म्याक्सीमिनले एक गोल फर्काए ।

ओल्ड ट्राफोर्डमा राषफोर्डले ३० औं मिनेटमा गोल गर्दै युनाईटेडलाई अग्रता दिलाएका थिए ।

खेलको ३६ औं मिनेटमा न्युकासलका एलेनले गोल गरेपछि पहिलो हाफ १-१ गोलको बराबरीमा सकिएको थियो ।

खेलको ५७ औं मिनेटमा जेम्सले गोल गर्दै युनाईटेडलाई २-१ को अग्रता दिलाए ।

त्यसपछि खेलको ७५ औं मिनेटमा फर्नान्डेसले पेनाल्टीमा गोल गर्दै युनाईटेडलाई ३-१ को जित दिलाए ।

जितसंगै युनाईटेड लिगको दोस्रो स्थानमा उक्लिएको छ ।

युनाईटेडले २५ खेलमा ४९ अंक जोडेको छ ।

युनाईटेड शीर्ष स्थानमा म्यानचेस्टर सिटी भन्दा १० अंकले पछि रहेको छ ।

न्युकासल २५ अंक जोडेर १७ औं स्थानमा रहेको छ ।