आर्सनलको मैदानमा सिटीको जित

एजेन्सी । इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले साँघुरो जित निकालेको छ ।

आइतबार राति भएको खेलमा सिटीले आर्सनलमाथि १-० गोल अन्तरको जित निकालेको हो ।

आर्सनलको मैदानमा सिटीलाई जित दिलाउन रहिम स्ट्रर्लिङले निर्णायक गोल गरे ।

इमिरेट्स स्टेडियममा खेलको दोस्रो मिनेटमै स्ट्रर्लिङले निर्णायक गोल गरेका थिए ।

स्ट्रर्लिङले रियाद महरेजको पासमा हेडमार्फत उत्कृष्ट गोल गरेका थिए ।

यस जितसँगै सिटीले सबै खाले प्रतियोगिता गरी लगातार ११ अवे खेलमा जित निकालेको छ ।

सिटीले सन् २०१७ मा आफैले बनाएको लगातार ११ अवे जितको कीर्तिमानमा बराबरी समेत गरेको छ ।

आर्सनलविरुद्धको जितसँगै सिटीले लिगमा १० अंकको अग्रता बनाएको छ ।

सिटीले २५ खेलमा ५९ अंक जोडेको छ ।

आर्सनल भने लिगको दशौँ स्थानमा रहेको छ ।

आर्सनलले २५ खेलमा ३४ अंक जोडेको छ ।