एमबाप्पे चम्किदा पीएसजीको जित

एजेन्सी । फ्रेन्च लिग वान फुटबलमा पेरिस सेन्ट जर्मेन (पीएसजी) ले फराकिलो जित निकालेको छ ।

साविक विजेता समेत रहेको पीएसजीले शुक्रबार राति मोन्टपेलियरमाथि ४-० को जित निकालेको हो ।

घरेलु मैदानमा पीएसजीलाई जित दिलाउन केलियन एमबाप्पेले दुई गोल गरे ।

यस्तै नेयमार र माउरो इकार्डीले एक एक गोल गरे ।

खेलको १८ औं मिनेटमा जोनास ओम्लिनले रातो कार्ड पाएपछि १० खेलाडीमा समेटिएको थियो ।

खेलको ३४ औं मिनेटमा एमबाप्पेले गोल गर्दै पीएसजीलाई अग्रता दिलाए ।

नेयमारले खेलको ६० औं मिनेटमा गोल गर्दा पीएसजीले २-० को अग्रता बनायो ।

लगत्तै ६१ औं मिनेटमा इकार्डीले गोल गर्दा पीएसजीको अग्रता तेब्बर बन्यो ।

त्यसपछि खेलको ६३ औं मिनेटमा एमबाप्पेले व्यक्तिगत दोस्रो गोल गर्दै पीएसजीलाई ४-० को जित दिलाए ।

जितसँगै पीएसजीले २१ खेलमा ४५ अंक जोडेको छ ।

पीएसजीले शीर्ष स्थानमा ३ अंकको अग्रता समेत बनाएको छ ।

मोन्टपेलियर २८ अंक जोडेर ११ औं स्थानमा रहेको छ ।