सूर्यकिरण क्लबलाई खेल पोशाक सहयोग

हेटौडा । पश्चिम मकवानपुर मनहरी गाउँपालिकाको सूर्यकिरण क्लबलाई रुप्चन लोले खेल पोशाक सहयोग गरेका छन् ।

मनहरी गाउँपालिका निवासी लोले क्लबलाई १६ थान जर्सी र मोजा सहयोग गरेका हुन् ।

रोजगारीको लागि हाल कतारमा रहेका लोले दाजु सागर लोमार्फत खेल पोशाक क्लबलाई सहयोग गरेका हुन् ।

लोले क्लबका अध्यक्ष बिरबहादुर मिजारलाई मंगलबार खेलकुद सामग्री हस्तान्तरण गरेका थिए ।

लोले आगामी दिनमा पनि गाउँको खेलकुद तथा अन्य गतिविधिको लागि आफुले सकेको सहयोग जारी रहने बताए ।

जर्सी हस्तान्तरण पछि बोल्दै क्लबका अध्यक्ष मिजारले लोको सहयोगले आफुहरुलाई थप हौसला मिलेको बताए ।