राष्ट्रिय फुटबल टिमको प्रशिक्षण पोखरामा हुने

काठमाडौं । नेपाली राष्ट्रिय फुटबल टिमले पोखरामा प्रशिक्षण गर्ने भएको छ ।

फिफा विश्वकप छनोट र एसियन कप छनोट अन्तर्गत बाँकी खेलका लागि तयारी गरिरहेको नेपाली टोलीले पोखरामा प्रशिक्षण गर्न लागेको हो ।

अखिल नेपाल फुटबल संघ (एन्फा) ले नेपाली टोलीले पोखरामा दुई साता बढी प्रशिक्षण गर्ने जनाएको छ ।

कतारमा २०२२ मा हुने विश्वकप र चीनमा २०२३ मा एसियन कप छनोटमा नेपालले अब तीन होम खेल खेल्न बाँकी रहेको छ ।

नेपालले अष्ट्रेलिया, जोर्डन र चाईनिज ताइपेसँग खेल्न बाँकी रहेको छ ।

पोखरामा टिमको प्रशिक्षणका लागि एन्फाले सुविधासम्पन्न होटेलको खोजी समेत गरेको छ ।

एन्फाले सोमबार एक सूचना निकाल्दै होटलको खोजी गरेको हो ।

एन्फाले निकालेको सूचनामा होटलमा विभिन्न ७ विशेषता हुनु पर्ने बताईएको छ ।