बराबरीमा रोकियो लिभरपुल

एजेन्सी । इंग्लिस प्रिमियर लिग फुटबलमा साविक विजेता लिभरपुल बराबरीमा रोकिएको छ ।

आइतबार राति भएको खेलमा लिभरपुल फुलहमसँग १-१ गोलको बराबरीमा रोकिएको हो ।

फुलहमको मैदानमा मोहमद सलाहले दोस्रो हाफमा गोल गरेपछि लिभरपुल हारबाट जोगिएको हो ।

सलाहले खेलको ७९ औं मिनेटमा पेनाल्टीमा गोल गरेका थिए ।

त्यसअघि खेलको २५ औं मिनेटमा बोब्बि रेइडले गोल गर्दै फुलहमलाई अग्रता दिलाएका थिए ।

बराबरीमा रोकिएसँगै लिभरपुलले शीर्ष स्थानमा उक्लने मौका गुमाएको छ ।

लिभरपुलले १२ खेलमा २५ अंक जोडेको छ । लिभरपुल दोस्रो स्थानमा रहेको छ ।

फुलहम ८ अंक जोडेर १८ औं स्थानमा रहेको छ ।