एजेन्सी । सर्बियन टेनिस स्टार नोभाक जोकोभिच युएस ओपन टेनिसको फाइनलमा प्रवेश गरेका छन् ।
शनिबार बिहान भएको सेमिफाइनलमा जापानका केई निशिकोरीलाई हराउदै जोकोभिचले फाइनलमा स्थान पक्का गरेका हुन् ।
न्युयोर्कमा भएको खेलमा जोकोभिचले निशिकोरीलाई ६-३,६-४ र ६-२ को सेटमा हराए । योसंगै जोकोभिचले मुख्य प्रतियोगिताको २३ औं पटक फाइनलमा स्थान बनाउन सफल भए ।
३१ बर्षका जोकोभिचले अब फाइनलमा अर्जेन्टिनाका जुवान मार्टीन डेल पोट्रोसंग खेल्नेछन् । पोट्रोले नाडाललाई हराएर फाइनलमा स्थान पक्का गरिसकेका छन् ।
