काठमाडौं । नेपाल नेत्रहीन क्रिकेट संघका अध्यक्ष पवन घिमिरे पुन: विश्व नेत्रहीन क्रिकेट परिषदको कोषाध्यक्षमा निर्वाचित भएका छन् ।
भर्चुअलबाट भएको परिषद्को २२ औं साधारण सभाबाट घिमिरे दोस्रो पटक कोषाध्यक्षमा निर्वाचित भएका हुन् ।
घिमिरेले दक्षिण अफ्रिकाका मनि मोथिलाललाई ६-३ भोटले हराएर दोस्रो पटक कोषाध्यक्ष चयन भएका हुन् ।
यस अघि उनी सन् २०१८ मा काठमाडौंमै भएको साधारण सभाबाट कोषाध्यक्ष चुनिएका थिए ।
परिषद्को नयाँ अध्यक्षमा पाकिस्तानका सायद सुल्तान शा निर्वाचित भएका छन् ।
वेस्ट इन्डिजका भवानी प्रसाद प्रथम उपाध्यक्ष, भारतका रजनिस हेनरी दृतिय उपाध्याक्ष र महासचिवमा अष्ट्रेलियाका रेमन मोक्स्ली निर्वाचित भएका छन् ।
निर्वाचित कम्तिको कार्यकाल दुई वर्षको हुनेछ ।
यस्तै निर्वाचनपछि पहिलो बैठकले सन् २०२२ मा भारतमा तेस्रो नेत्रहीन विश्वकप क्रिकेट आयोजना गर्ने निर्णय गरेको छ ।
यस्तै सन् २०२१ को अन्त्यसम्ममा नेपाल, पाकिस्तान र भारतबीचको महिला नेत्रहीन क्रिकेट सिरिज गर्ने निर्णय समेत गरेको छ ।
-1736692535.jpeg)
