एजेन्सी । इंग्ल्यान्ड र नेदरल्यान्ड्सबीचको एकदिवसीय क्रिकेट सिरिज स्थगित भएको छ ।
कोरोना भाईरसको महामारीको कारण दुई टिमबीचको सिरिज सन् २०२२ सम्मको लागि स्थगित गरिएको हो ।
आईसीसी पुरुष क्रिकेट विश्वकप सुपर लिग अन्तर्गतको सिरिज २०२१ को मे महिनामा तय भएको थियो ।
दुई टिमबीच नेदरल्यान्ड्समा ३ खेलको एकदिवसीय सिरिज खेल्ने तालिका रहेको थियो ।
तर, कोरोनालाई मध्यनजर गर्दै सिरिज सार्न दुबै देश राजी भएको हो ।
विश्वकप सुपर लिगलाई आईसीसीले २०२३ को विश्वकप छनोटको रुपमा लिएको छ ।
विश्वकप सुपर लिग खेल्ने नेदरल्यान्ड्स एक्लो एसोसियट राष्ट्र हो ।
सुपर लिगमा १३ टिमले प्रतिस्पर्धा गरिरहेका छन् ।
-1736692535.jpeg)
