काठमाडौं । नेपाल क्रिकेट संघ (क्यान) ले प्रमुख वित्तीय व्यवस्थापकको अन्तर्वार्ता लिएको छ ।
क्यानले बुधबार अन्तिम छनोटमा परेका ३ वित्तीय व्यवस्थापकको अन्तर्वार्ता लिएको जनाएको छ ।
वित्तीय व्यवस्थापकका लागि आवेदन परेका ३७ जनाबाट १५ हुँदै अन्तिम चरणमा अन्तर्वार्ताका लागि ३ जना छनोट गरिएको क्यानले जनाएको छ ।
क्यानले यस अघि मुख्य प्रशिक्षक, जनरल म्यानेजर र क्रिकेट म्यानेजरको अन्तर्वार्ता लिएको थियो ।
क्यानले गत सेप्टेम्बरमा मुख्य प्रशिक्षकसहित अन्य पदका लागि दरखास्त आह्वान गरेको थियो ।
क्यानले मुख्य प्रशिक्षक छनोटका लागि ५ सदस्सीय छनोट समिति समेत गठन गरिसकेको छ । जसमा ३ जना क्यानबाट १ जना आईसीसी र १ जना स्वतन्त्र विज्ञ रहेका छन् ।
-1736692535.jpeg)
