ओसाका ग्राण्डस्लाम टेनिसको फाइनलमा पुग्ने पहिलो जापानिज महिला खेलाडी

एजेन्सी । नाओमी ओसाकाले ग्राण्डस्लाम टेनिसको फाइनलमा पुग्ने पहिलो जापानिज महिला खेलाडीको कीर्तिमान बनाएकी छिन् ।

युएस ओपनको फाइनलमा स्थान बनाउदै ओसाकाले ग्राण्डस्लामको फाइनल पुग्ने महिला खेलाडीको कीर्तिमान बनाए ।

न्युयोर्कमा शुक्रबार बिहान भएको सेमिफाइनलमा अमेरिकन खेलाडी माडिसन किजलाई हराएर ओसाकाले फाइनलमा स्थान बनाएकी हुन् । २० औं वरीयताकी ओसाकाले किजलाई ६-२ र ६-४ ले हराईन् ।

अब फाइनलमा ओसाकाले २३ पटकको ग्राण्डस्लाम च्याम्पियन सेरेना विलियम्ससंग खेल्ने छिन् ।

सेरेनाले लातभियाकी अनास्तासिजा सेभास्तोभालाई पराजित गर्दै फाइनलमा स्थान पक्का गरिसकेकी छिन् ।