बायर्नको नजर नकआउट चरणमा

एजेन्सी । यूईएफए च्याम्पियन्स लिग फुटबलमा साविक विजेता बायर्न म्युनिखले आज आरबी साल्जबर्गसँग प्रतिस्पर्धा गर्दैछ ।

बायर्नले घरेलु मैदानमा अस्ट्रियन क्लबसँग खेल्नेछ । बायर्न र साल्जबर्गबीचको खेल नेपाली समय अनुसार राति १:४५ बजे सुरु हुनेछ ।

घरेलु मैदानमा मैदान उत्रदा बायर्न लगातार चौंथो जित निकाल्ने लक्ष्यमा हुनेछ ।

समूह 'ए' को बायर्नले ३ खेलमा ९ अंक जोडेको छ । बायर्न समूहको शीर्ष स्थानमा रहेको छ ।

घरेलु मैदानमा साल्जबर्गलाई हराएर बायर्न नकआउट चरणमा पुग्न चाहन्छ ।

यस अघिको भेटमा बायर्नले साल्जबर्गलाई ६-२ गोल अन्तरले पराजित गरेको थियो ।

यता, साल्जबर्ग भने अघिल्लो भेटमा व्यहोरेको हारको बदला लिने योजनामा हुनेछ ।

यस्तै साल्जबर्ग बायर्नलाई हराएर अर्को चरणमा पुग्ने सम्भावना कायम राख्न चाहन्छ ।

साल्जबर्ग १ अंक जोडेर पुछारमा रहेको छ ।

यसै समूहको अर्को खेलमा एट्लेटिको मड्रिडले लोकमोटिभ मस्कोसँग खेल्नेछ ।

स्पेनिस क्लब एट्लेटिको ४ अंक जोडेर दोस्रो स्थानमा रहेको छ ।

मस्को २ अंक जोडेर तेस्रो स्थानमा रहेको छ ।