मिलानलाई नापोलीको चुनौती

एजेन्सी । इटालियन सिरी 'ए' फुटबलमा आज शीर्ष स्थानको एसी मिलानले आज नापोलीसँग खेल्नेछ ।

मिलानले नापोलीसँग उसैको मैदानमा खेल्नेछ । मिलान र नापोलीबीचको खेल राति १:३० बजे सुरु हुनेछ ।

घरेलु टिमविरुद्ध मिलान सहज जित निकाल्ने लक्ष्यमा हुनेछ । मिलान जित निकाल्दै शीर्ष स्थानको अग्रता समेत यथावत राख्न चाहन्छ ।

शीर्ष स्थानको मिलानले ७ खेलमा १७ अंक जोडेको छ ।

नापोली ७ खेलमा १४ अंक जोडेर चौंथो स्थानमा रहेको छ ।

मिलानलाई हराएर नापोली शीर्ष स्थानमा उक्लन चाहन्छ ।

सिरी 'ए' अन्तर्गत नै इन्टर मिलानले टोरिनोसँग खेल्नेछ ।

यस्तै रोमाले पर्मासँग खेल्दा फियोरेन्टिनाले बेनेभेन्टोसँग खेल्नेछ ।

त्यस्तै हेलास भेरोनाले सासुओलो, साम्पडोरियाले बोलोग्ना र उडिनेजेले जिनोआसँग खेल्नेछ ।