सेरेना युएस ओपन टेनिसको फाईनलमा

एजेन्सी । सेरेना विलियम्स युएस ओपन टेनिसको फाईनलमा पुगेकी छिन् । सेमिफाईनलको खेलमा प्रभावशाली जित निकाल्ने क्रममा विलियम्सले लातभियाकी अनास्तासिजा सेभास्तोभालाई पराजित गरिन् ।

बच्चालाई जन्म दिएपछि पहिलो ग्रान्डस्लामको खोजिमा रहेकी सेरेनाले सेमिफाईनलको खेल ६६ मिनेटमा आफ्नो पक्षमा पारिन् । उनले ६–३ र ६–० को सेटमा सहज जित निकालिन् ।

उनले उपाधिकालागि अमेरिकन माडिसन किज वा जापानकी नाओमी ओसाकासंग प्रतिस्पर्धा गर्नेछिन् । फाईनल खेल आगामी शनिबार हुनेछ ।
उपाधि जितेको खण्डमा सेरेनाले मार्गरेट कोर्टको २४ औ ग्रान्डस्लामको कीर्तिमान बराबरी गर्नेछिन् ।