रुपन्देही । रुपन्देहीको गैडहवा गाउँपालिकामा नेशनल क्रिकेट एकेडेमी (एनसिए) संचालनमा आएको छ ।
पुरुष र महिला क्रिकेट खेलाडीलाई प्रशिक्षण गराउने उदेश्यले एकडेमी शुक्रबारबाट संचालनमा आएको हो ।
एकेडेमी शिवनाथ बराइ ,अनिल पोखरेल र कृष्ण गिरीको लगानीमा संचालनमा आएको हो ।
एकेडेमीको प्रमुख प्रशिक्षकमा भारतको स्टेट लेभलको क्रिकेट खेलिसकेका कृष्ण गिरि रहेका छन् ।
एकेडेमीमा बिहान र साँझ गरी दुई समयमा खेलाडीलाई प्रशिक्षण दिईनेछ । यस्तै गरिब, जेहन्दार र मिहिनेती प्रशिक्षार्थीलाई विशेष छुट दिईने एकेडेमीले जनाएको छ ।
एकेडेमीमा ३ वटा ट्रर्फ विकेट पिच र १ सिमेन्टेट पिच लगायत अभ्यास र प्रशिक्षण गर्न आवश्यक पूर्वाधार रहेको छ ।
हाललाई ३ कठ्ठा जग्गामा निर्माण भएको एकेडेमीको संरचना र सेवा सुविधा विस्तार गर्दै लगिने बताईएको छ ।
यस्तै एकेडेमीले गैडहवा प्रिमियर लिग आयोजना गर्ने लक्ष्य बनाएको छ ।
-1736609631.jpeg)
-1736605265.jpeg)
