नेपालको लगातार पाँचौं हार

काठमाडौं। नेपाल एएफसी एसियन कप छनोटअन्तर्गत मलेसियासँगको दोस्रो लेगमा पनि पराजित भएको छ। मंगलबार सम्पन्न खेलमा नेपाल १-० ले पराजित भएको हो।

योसँगै मलेसिया २०२७ मा साउदी अरबमा हुने एएफसी एसियन कपमा छनोटनजिक पुगेको छ। अपराजित रहेको मलेसियाले ५ खेलबाट १५ अंक पुर्‍याएको छ।

पहिलो लेगमा मलेसियासँग नेपाल २-० ले पराजित भएको थियो। नेपालको भने यो लगातार पाँचौं हार हो। यसअघि नै टोली एसियन कप छनोटबाट बाहिरिसकेको छ।