एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले कोलकाता नाइट राईडर्ससँग प्रतिस्पर्धा गर्दैछ ।
शेख जायद क्रिकेट मैदानमा कोलकाताविरुद्ध दिल्लीले पहिले बलिङ गर्ने भएको छ । दिल्लीले टस जितेर पहिले बलिङ रोजेको छ ।
तर, सन्दीपले सिजनको ११ औं खेल पनि खेल्ने छैनन् । दिल्लीले कोलकाताविरुद्धको खेलका लागि सन्दीपलाई प्लेईङ सेटमा राखेको छैन ।
तेस्रो पटक आईपीएल खेलिरहेका सन्दीप लगातार ११ औं खेलमा प्लेइङ सेटमा नपरेका हुन् ।
आज दिल्ली आठौं जितको खोजीमा रहेको छ । अघिल्ला १० खेलमा ७ जितसहित १४ अंक जोडेर दिल्ली दोस्रो स्थानमा रहेको छ ।
दिल्ली पन्जाबलाई हराएर शीर्ष स्थानमा उक्लन चाहन्छ ।
कोलकाता दिल्लीलाई हराएर छैटौं जित निकाल्न चाहन्छ । कोलकाता १० खेलमा १० अंक जोडेर चौंथो स्थानमा रहेको छ ।
कोलकाता जित निकाल्दै प्ले अफ यात्रा सुरक्षित गर्न चाहन्छ ।
यस्तै कोलकाता सिजनको पहिलो खेलमा व्यहोरेको हारको बदला समेत लिन चाहन्छ । पहिलो भेटमा दिल्लीले कोलकातालाई १८ रनले हराएको थियो ।
-1736609631.jpeg)
-1736605265.jpeg)
