एजेन्सी । इंग्ल्यान्डको सेन्ट्रल कन्ट्रयाक्टमा रहेका क्रिकेट खेलाडीहरु तलब कटौतीका लागि सहमत भएका छन् ।
कोरोना भाईरसको कारण इंग्ल्यान्ड एण्ड वेल्स क्रिकेट बोर्ड (इसीबी) मा पर्न गएको आर्थिक संकटको कारण खेलाडी तलब कटौती गर्न सहमत भएका हुन् ।
सहमतिसँगै अब सन् २०२०/२१ को सिजन खेलाडीको तलब १५ प्रतिशत कटौती हुनेछ ।
इंग्ल्यान्डको पुरुष क्रिकेट टिमका प्रबन्ध निर्देशक एस्ले गिल्सले चुनौतीको समय खेलाडीले परिपक्क निर्णय गरेको बताए ।
'म खेलाडीलाई सहयोगको लागि धन्यवाद दिन चाहन्छु,' उनले भनेका छन्, 'हाम्रा खेलाडी र प्रतिनिधिसँग बलियो सम्बन्ध रहेको छ । कप्तान जोय रुट र इयान मोर्गनको नेतृत्वमा खेलाडीहरुले आफुलाई परिपक्क र जिम्मेवारीका साथ अघि बढाएका छन् ।'
इंग्ल्यान्डको सेन्ट्रल कन्ट्रयाक्टमा २३ खेलाडी रहेका छन् । उनीहरुको कन्ट्रयाक्ट आगामी अक्टोबर १ सम्म रहनेछ ।
गत मार्चबाट महामारीको रुपमा फैलिएको कोरोनाले परेको आर्थिक संकटलाई मध्ये नजर गर्दै विभिन्न खेलका खेलाडीहरु समेत तलब कटौतीका लागि सहमत भईसकेका छन् ।
प्रिमियर लिग फुटबलका खेलाडीहरु यस अघि नै तलब कटौतीमा सहमत भईसकेका छन् ।
-1736609631.jpeg)
-1736605265.jpeg)
