एजेन्सी । इंग्ल्यान्डका ब्याट्सम्यान डाविड मालनले होबर्ट हुरिकेन्सबाट अष्ट्रेलियाको बिग बास लिग (बीबीएल) खेल्ने भएका छन् ।
होबर्टले सोमबार मालनलाई नयाँ सिजनको लागि अनुबन्धित गरिएको जनाएको छ ।
टी-ट्वान्टी ब्याट्सम्यानको शीर्ष स्थानमा रहेका मालनले पहिलो पटक बीबीएल खेल्न लागेका हुन् ।
मालनले पहिलो पटक बीबीएल खेल्नका लागि आफु उत्साहित भएको बताएका छन् ।
'बिग बास विश्वको उत्कृष्ट टी-ट्वान्टी लिग मध्ये एक हो र यसमा सामेल हुन पाउँदा उत्साहित छु,' मालनले सम्झौतापछि भनेका छन् ।
३३ वर्षीय ब्याट्सम्यानले बंगलादेश, पाकिस्तान र दक्षिण अफ्रिकाको लिग भने खेलिसकेका छन् ।
नयाँ सिजनको बीबीएल आगामी डिसेम्बर ३ बाट सुरु हुँदैछ । होबर्टले सिड्नी सिक्सर्ससँग खेल्दै प्रतियोगिताको सुरुवात गर्नेछ ।
-1736609631.jpeg)
-1736605265.jpeg)
