एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले चेन्नई सुपर किङ्ससँग प्रतिस्पर्धा गर्दैछ ।
सारजाह क्रिकेट स्टेडियममा चेन्नईविरुद्ध दिल्लीले पहिले बलिङ गर्ने भएको छ । चेन्नईले टस जितेर पहिले ब्याटिङ रोजेपछि दिल्लीले बलिङ गर्ने भएको हो ।
तर, सन्दीपले सिजनको नवौं खेल पनि खेल्ने छैनन् । दिल्लीले चेन्नईविरुद्धको खेलका लागि सन्दीपलाई प्लेईङ सेटमा राखेको छैन ।
तेस्रो पटक आईपीएल खेलिरहेका सन्दीप लगातार नवौं खेलमा टिममा नपरेका हुन् ।
दिल्ली आज सातौं जितको खोजीमा रहेको छ । अघिल्ला ८ खेलमा ६ जितसहित १२ अंक जोडेर दिल्ली दोस्रो स्थानमा रहेको छ ।
दिल्ली चेन्नईलाई हराएर शीर्ष स्थानमा उक्लन चाहन्छ ।
चेन्नई भने चौंथो जितको खोजीमा रहेको छ । चेन्नई ८ खेलमा ६ अंक जोडेर छैटौं स्थानमा रहेको छ ।
दिल्लीलाई हराएर चेन्नई अंक तालिका सुधार गर्न चाहन्छ ।
-1736609631.jpeg)
-1736605265.jpeg)
