एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले राजस्थान रोयल्ससँग प्रतिस्पर्धा गर्दैछ ।
दुबई अन्तराष्ट्रिय क्रिकेट स्टेडियममा राजस्थानविरुद्ध दिल्लीले पहिले ब्याटिङ गर्ने भएको छ । दिल्लीले टस जितेर पहिले ब्याटिङ गर्ने निर्णय गरेको छ ।
तर, सन्दीपले सिजनको आठौं खेल पनि खेल्ने छैनन् । दिल्लीले राजस्थानविरुद्धको खेलका लागि सन्दीपलाई प्लेईङ सेटमा राखेको छैन ।
तेस्रो पटक आईपीएल खेलिरहेका सन्दीप लगातार आठौं खेलमा टिममा नपरेका हुन् ।
दिल्ली छैटौं जितको खोजीमा हुनेछरहेको छ । अघिल्ला ७ खेलमा ५ जितसहित १० अंक जोडेर दिल्ली दोस्रो स्थानमा रहेको छ ।
दिल्ली राजस्थानलाई हराएर शीर्ष स्थानमा उक्लन चाहन्छ ।
राजस्थान भने चौंथो जितको खोजीमा हुनेछ । राजस्थान ७ खेलमा ६ अंक जोडेर पुछारबाट दोस्रो स्थानमा रहेको छ ।
दिल्लीलाई हराएर राजस्थान अंक तालिका सुधार गर्न चाहन्छ ।
यस्तै राजस्थान यसै सिजनको पहिलो भेटमा व्यहोरेको हारको बदला समेत लिन चाहन्छ । यस अघिको भेटमा दिल्लीले राजस्थानलाई ४६ रनले हराएको थियो ।
-1736609631.jpeg)
-1736605265.jpeg)
