एजेन्सी । सर्बियन टेनिस स्टार नोभाक जोकोभिच युएस ओपन टेनिसको क्वाटरफाइनलमा प्रवेश गरेका छन् ।
मंगलबार बिहान भएको खेलमा जोओ सौसालाई हराएर जोकोभिचले क्वाटरफाइनलमा स्थान बनाएका हुन् । पुर्व विश्व नम्बर एक जोकोभिचले सौसालाई ६-३,६-४ र ६ -३ को सेटमा पराजित गरे ।
अब जोकोभिचले जोन मिलम्यानसंग खेल्नेछ । मिलम्यानले स्विस स्टार रोजर फेडेररलाई हराएर क्वाटरफाइनलमा स्थान पक्का गरेका छन् ।
महिलातर्फ पुर्व विश्व नम्बर एक मारिया सारापोभा भने चौथो चरणमा पराजित भएकी छिन् । मंगलबार भएको खेलमा स्पेनिस कार्ला स्वारेज नाभारो संग ६-४ र ६ -३ ले पराजित भईन् ।
