थ्री स्टारका निराजन कोरोना मुक्त

काठमाडौं । थ्री स्टार क्लबका डिफेन्डर निराजन महर्जन कोरोना भाईरसको संक्रमणबाट मुक्त भएका छन् ।

थ्री स्टार क्लबले मंगलबार फुल ब्याक निराजन कोरोना मुक्त भएको जनाएको छ ।

निराजनलाई गत २६ सेप्टेम्बरमा कोरोना देखिएको थियो ।

कोरोना देखिएपछि १७ दिनको आईसोलेसनमा बसेर उनी कोरोना मुक्त भएका हुन् ।

निराजनसँगै उनका परिवारका सदस्यलाई समेत कोरोना देखिएको थियो ।

उनको परिवारको सदस्य समेत कोरोना मुक्त भईसकेको थ्री स्टारले जनाएको छ ।

निराजनले थ्री स्टारका लागि शीर्ष डिभिजनको लिगसहित मोफसलको प्रतियोगिता खेलिसकेका छन् ।

यस्तै निराजनले थ्री स्टारको यू-१८ टिमबाट समेत खेलिसकेका छन् ।