एजेन्सी । युएईमा जारी १३ औं संस्करणको इन्डियन प्रिमियर लिग (आईपीएल) टी-ट्वान्टी क्रिकेटमा आज (सोमबार) रोयल च्यालेन्जर्स बैंगलोर र कोलकत्ता नाइट राइडर्सबीच प्रतिस्पर्धा हुँदैछ ।
सारजाहमा बैंगलोर र कोलकत्ता सातौं खेलका लागि मैदान उत्रने छन् । बैंगलोर र कोलकत्ताबीचको खेल नेपाली समय अनुसार साँझ ७:४५ बजे सुरु हुनेछ ।
सारजाह क्रिकेट स्टेडियममा बैंगलोर पाँचौ जितको खोजीमा हुनेछन् । अघिल्ला ६ खेलमा बैंगलोरले ४ जितसहित ८ अंक जोडेको छ ।
विराट कोहलिको कप्तानीमा रहेको बैंगलोर चौंथो स्थानमा रहेको छ । कोलकत्तालाई हराएर बैंगलोर शीर्ष दुई भित्र उक्लन चाहन्छ ।
तर, दिनेश कार्तिकको कप्तानीमा मैदान उत्रने कोलकत्तालाई हराउन बैंगलोरलाई सहज हुने छैन ।
कोलकत्ता पनि पाँचौ जितको खोजीमा हुनेछ । ६ खेलमा ८ अंक जोडेको कोलकत्ता तेस्रो स्थानमा रहेको छ ।
कोलकत्ताले बैंगलोरविरुद्ध दिनेशसँगै आन्द्रे रसेल, इयान मोर्गन, आन्द्रे रसेल,कुलदिप यादव, पाट कुमिन्स जस्ता खेलाडी मैदान उतार्ने छ ।
बैंगलोरसँग कप्तान कोहलीसँगै आरोन फिन्च, देभदत्त पाडिक्ल, एबी डी भिलियर्स, शिबम डुबे, वासिंगटन सुन्दर, युजभेन्द्र चहल, नाभदिप सैनी जस्ता खेलाडीको साथ रहने छ ।
-1736609631.jpeg)
-1736605265.jpeg)
